2024 оны 03 дугаар сарын 31 Сайхан сум

Алба хаагчид, иргэд байгууллага, хоригдол, хоригдогчдоос ирсэн өргөдөл гомдлын хүлээн авч шийдвэрлэхдээ Шүүхийн шийдвэр гүйцэтгэх ерөнхий газрын даргын 2013 оны 04 дүгээр сарын 24-ний өдрийн А/80 дугаар тушаалаар батлагдсан Иргэд байгууллагаас ирүүлсэн өргөдөл гомдлыг шийдвэрлэхэд хяналт тавих журамыг баримтлан өдөр тутмын үйл ажиллагаандаа хэрэгжүүлэн ажиллаж байна.

2024 оны 1 дүгээр улирлын байдлаар алба хаагчдаас-4, иргэнээс-2, өргөдөл хүлээн шийдвэрлэсэн.

Өргөдөл, гомдлыг утгаар нь ангилбал

Урамшуулал хүсэх тухай-2

Цалингийн шатлал нэмэгдүүлэх тухай-2

Хүүхдийн тэтгэлэг гаргуулах тухай-1

Андуурч хийгдсэн гүйлгээ буцаах тухай-1

2024 оны 1 дүгээр улиралд утсаар болон цахимаар өргөдөл, гомдол ирээгүй бөгөөд гаргасан өргөдөл, гомдлыг хуулийн хугацаанд 100 хувь шийдвэрлэн ажилласан болно.

СЭЛЭНГЭ АЙМГИЙН САЙХАН СУМ ДАХЬ

ШҮҮХИЙН ШИЙДВЭР ГҮЙЦЭТГЭХ ХЭЛТЭС

2024 оны 03 дугаар сарын 31 Сайхан сум

Алба хаагчид, иргэд байгууллага, хоригдол, хоригдогчдоос ирсэн өргөдөл гомдлын хүлээн авч шийдвэрлэхдээ Шүүхийн шийдвэр гүйцэтгэх ерөнхий газрын даргын 2013 оны 04 дүгээр сарын 24-ний өдрийн А/80 дугаар тушаалаар батлагдсан Иргэд байгууллагаас ирүүлсэн өргөдөл гомдлыг шийдвэрлэхэд хяналт тавих журамыг баримтлан өдөр тутмын үйл ажиллагаандаа хэрэгжүүлэн ажиллаж байна.

2024 оны 1 дүгээр улирлын байдлаар алба хаагчдаас-4, иргэнээс-2, өргөдөл хүлээн шийдвэрлэсэн.

Өргөдөл, гомдлыг утгаар нь ангилбал

Урамшуулал хүсэх тухай-2

Цалингийн шатлал нэмэгдүүлэх тухай-2

Хүүхдийн тэтгэлэг гаргуулах тухай-1

Андуурч хийгдсэн гүйлгээ буцаах тухай-1

2024 оны 1 дүгээр улиралд утсаар болон цахимаар өргөдөл, гомдол ирээгүй бөгөөд гаргасан өргөдөл, гомдлыг хуулийн хугацаанд 100 хувь шийдвэрлэн ажилласан болно.

СЭЛЭНГЭ АЙМГИЙН САЙХАН СУМ ДАХЬ

ШҮҮХИЙН ШИЙДВЭР ГҮЙЦЭТГЭХ ХЭЛТЭС

✅ Шүүхийн шийдвэр гүйцэтгэх ерөнхий газрын харьяа Сэлэнгэ аймгийн Сайхан сум дахь Шүүхийн шийдвэр гүйцэтгэх хэлтсийн шийдвэр гүйцэтгэгч, ахмад Д.Төмөрхуяг сумын “Хууль, хяналтын салбарын аварга ажилтан”-аар шалгарлаа.

✅ Сум, орон нутгийнхаа хөгжил, бүтээн байгуулалтад өөрийн хувь нэмрээ оруулж, салбартаа ажил, үйлсээрээ манлайлсан оны шилдгүүдийг Засаг даргын тамгын газраас тодруулж, шагнаж урамшуулсан юм.

ГҮЙЦЭТГЭХ ХЭЛТСИЙН ҮЙЛ АЖИЛЛАГААНЫ ТАЙЛАН

/Эхний хагас жил/

Сэлэнгэ аймгийн Сайхан сум дахь Шүүхийн шийдвэр гүйцэтгэх хэлтсийн гүйцэтгэлийн төлөвлөгөөний төслийг Шүүхийн шийдвэр гүйцэтгэх ерөнхий газрын даргаар 2023 оны 01 дүгээр сарын 10-ны өдрөөр баталгаажуулан ажиллаж байгаа бөгөөд өдөр тутмын үйл ажиллагааг удирдлага зохион байгуулалтын арга хэмжээ авч, зорилт тус бүрийн дагуу холбогдох албан тушаалтныг мэргэжил, арга зүйн удирдлагаар ханган ажиллаж байна.

Сэлэнгэ аймгийн Сайхан сум дахь Шүүхийн шийдвэр гүйцэтгэх хэлтсийн төсвийн төвлөрүүлэн захирагчтай байгуулсан гүйцэтгэлийн төлөвлөгөөний хэрэгжилтийг 2023 оны эхний хагас жилийн байдлаар дүн шинжилгээ хийж, биелэлтийн явц, цаашид авч хэрэгжүүлэх арга хэмжээний саналыг хэлэлцэж үнэлэлт дүгнэлт өгч дүн шинжилгээ хийлээ. Үүнд:

Нэг. Бодлогын баримт бичигт тусгагдсан зорилт:

1. Шүүхийн шийдвэр гүйцэтгэх байгууллагын хүний нөөцийн хөгжлийн бодлогын хөгжлийг бэхжүүлэх 2020-2024 оны дунд хугацааны хөтөлбөрийг хэрэгжүүлэх.

- Хэлтсийн даргын зөвлөлийн хуралдаан 2023 оны эхний хагас жилд 9 удаа хуралдаж нийт 11 асуудлыг хэлэлцэж, шагнал, цолны талаар 5, шилжих болон өөрийн хүсэлтээр ажлаас гарах талаар 2, Хэлтсийн 2023 оны зорилт дэвшүүлэх талаар 1, алба хаагчид сахилгын шийтгэл ногдуулах талаар 1 удаа нийт 9 асуудал хэлэлцэж шийдвэрлэсэн.

- 2023 оны эхний хагас жилийн байдлаар 1 орон тоо дутуу ажиллаж байсан бөгөөд Шүүхийн шийдвэр гүйцэтгэх ерөнхий газрын даргын 2023 оны 02 дугаар сарын 02-ны өдрийн Б/167 дугаар тушаалаар 78 дугаар тойргийн шийдвэр гүйцэтгэгчээр дэслэгч Б.Оюунбилэгийг томилж орон тоо бүтэц бүрэн нийт 19 алба хаагчтайгаар үйл ажиллагаа явуулж байна.

2. Алба хаагчдад хүний эрх, жендерийн чиглэлээр сургалт зохион байгуулж, жендерийн эрх тэгш байдлыг хангах:

- Шүүхийн шийдвэр гүйцэтгэх ерөнхий газрын даргын 2023 оны “Шүүхийн шийдвэр гүйцэтгэх байгууллагын “Жендэрийн эрх тэгш байдлыг хангах гүйцэтгэлийн төлөвлөгөө”-ний дагуу дэд төлөвлөгөө боловсруулан ажиллаж байна.

- Төлөвлөгөөний дагуу алба хаагчдад жендерийн сургалт зохион байгуулах ажлын хүрээнд Сайхан сум дахь сум дундын цагдаагийн хэлтэстэй хамтран тус хэлтсийн байцаагч, цагдаагийн дэслэгч Э.Булганаа 2023 оны 03 дугаар сарын 10-ны өдөр “Гэр бүлийн хүчирхийлэлтэй тэмцэх тухай хууль”чиглэлээр сургалт зохион байгуулсан.

- Мөн 2023 оны 03 дугаар сарын 29-ний өдөр шийдвэр гүйцэтгэгч, дэслэгч Б.Оюунбилэг нийт алба хаагчдад “Жендерийн тэгш эрхийн тухай ойлголт” сэдвээр илтгэл тавьж алба хаагчдын дунд хэлэлцүүлэг зохион байгуулж ажиллалаа.

- Мөн Сайхан сумын Засаг даргын тамгын газрын Нийгмийн бодлогын мэргэжилтэн Б.Нямжав 2023 оны 03 дугаар сарын 29-ний өдөр нийт алба хаагчдад жендерийн хэвшмэл ойлголтыг арилгах, эмэгтэйчүүдийн нийгэмд үзүүлэх үр нөлөө эмэгтэйчүүдийн манлайллыг нэмэгдүүлэх зорилгоор “Жендер, жендерийн тэгш байдал” сэдвээр 2 цагийн сургалтыг зохион байгуулсан.

- Алба хаагчийг албан тушаал дэвшүүлэх, шилжүүлэх, чөлөө олгох, шагнаж урамшуулахад хүйсийн ялгаварлал гаргалгүй хэн нэгэнд давуу эрх олгохгүй байхад анхааран ажиллаж байна.

- 2023 оны эхний хагас жилийн байдлаар дэвшин ажиллах хүсэлт гаргасан алба хаагч байхгүй бөгөөд өөрийн хүсэлтээр чөлөөлөгдөх болон шилжин ажиллах хүсэлт 2 алба хаагчаас хүлээн авч хэлтсийн даргын зөвлөлийн хурлаар хэлэлцэн шийдвэрлэж ажилласан.

- Тайлангийн хугацаанд төрийн дээд шагнал “Цэргийн хүндэт медаль,-аар 1 алба хаагч шагнагдсан байна.

- Мөн Хөдөлмөрийн тухай хууль, Шүүхийн шийдвэр гүйцэтгэх байгууллагын “Хөдөлмөрийн дотоод журам”-д заасны дагуу хүрээнд 0-2 насны хүүхэдтэй 2 алба хаагчид богиносгосон цагаар ажиллах боломжуудыг тухай бүрд нь олгон ажиллаж байна.

3. Бага бүрэлдэхүүний бодлогын баримт бичгийн зохион байгуулалтын арга хэмжээг авч, хэрэгжилтийг Шүүхийн шийдвэр гүйцэтгэх ерөнхий газарт илтгэх:

- Тус хэлтэс нь төсөв орон тоогоор 19 орон тоотой бөгөөд бага бүрэлдэхүүний 6 алба хаагч ажиллаж байна. Бага бүрэлдэхүүний ажиллах нөхцөл нийгмийн баталгааг хангах тэднээс ирсэн санал хүсэлтийг авах нийгмийн асуудлыг шийдвэрлэх тал дээр онцгой анхааран ажиллаж байна.

4. “Тэрбум мод” үндэсний хөдөлгөөний хүрээнд Шүүхийн шийдвэр гүйцэтгэх байгууллагын хэмжээнд 100 сая мод тарих хөтөлбөрийг хэрэгжүүлэх ажлын төлөвлөгөөг хангах:

- Мод тарих ажлын хэсгийн хуралдаанаар “100 сая мод” хөтөлбөрийн хүрээнд 2023 онд хийж гүйцэтгэх ажлын ерөнхий төлөвлөгөө гарган уг ерөнхий төлөвлөгөөний дагуу 2023 онд хийж гүйцэтгэх ажлын бэлтгэлийг ханган ажиллаж байна.

- Төлөвлөгөөнд тусгагдсаны дагуу 2023 оны 02 дугаар сарын 01-ний өдөр Дарханы төмөрлөгийн үйлдвэр ТӨХК-ийн удирдлагуудтай уулзалт зохион байгуулж, хамтын ажиллагааны санамж бичиг байгуулан уг санамж бичгийн хүрээнд Сэлэнгэ аймгийн Сайхан сум, Номгон 3-р баг Ширээ нуруунд байрлах тус хэлтсийн эзэмшлийн 1,6га талбайд “Ногоон төгөл” байгуулах ажлыг хэрэгжүүлэхэд хамтран ажиллахаар төлөвлөн ажиллаж байна.

Сумын жишиг хашаа болгохоор зорьж буй хэлтсийн ахлах шийдвэр гүйцэтгэгч, хошууч М.Энхболдын хашаанд 2023 оны 05 дугаар сарын 20-ны өдөр 30 ширхэг чацарганы бут, 20 ширхэг сакура модны үрсэлгээг суулгаж, өмнө тариалсан мод, бутнуудад усалгаа, арчилгаа хийж байна.

Хоёр. Тусгайлан олгосон чиг үүргийг хэрэгжүүлэх зорилт:

5. Шийдвэр гүйцэтгэх ажиллагааны бодит биелэлтийг нэмэгдүүлэх чиглэлээр мэргэжлийн удирдлагаар ханган, зохион байгуулалтын арга хэмжээ авч ажиллах.

- 2023 оны эхний хагас жилийн байдлаар шүүхээс 154 гүйцэтгэх баримт бичгийн 643025.0 мянган төгрөг, харьяаллын дагуу шилжин ирсэн 4 гүйцэтгэх баримт бичгийн 26478.3мянган төгрөгийг шинээр хүлээн авч, 34801.3 мянган төгрөгийн түдгэлзүүлсэн 7 гүйцэтгэх баримт бичгийг сэргээж, 2022 оны үлдэгдэл 69 гүйцэтгэх баримт бичгийн 715117.5мянган төгрөг, төлбөрийн нийт 234 гүйцэтгэх баримт бичгийн 1419422,1 мянган төгрөгийн баримт бичигт шийдвэр гүйцэтгэх ажиллагаа явуулж, 2 гүйцэтгэх баримт бичгийн 14769.9мянган төгрөгийг түдгэлзүүлж, 1 гүйцэтгэх баримт бичгийн 10292.9мянган төгрөгийг харьяаллын дагуу шилжүүлэн биелүүлбэл зохих нийт 231 гүйцэтгэх баримт бичгийн 1394359.3мянган төгрөгөөс 142 гүйцэтгэх баримт бичгийн 282932.3мянган төгрөгийг бодитой биелүүлэн гүйцэтгэх баримт бичгийн 61,5 %, мөнгөн дүнгийн 20,3 %-тай ажиллаж байна.

6. Зөрчлийн шийдвэр гүйцэтгэх ажиллагааны бодит биелэлтийг өмнөх оноос ахиулах:

- Тайлангийн хугацаанд шүүхээс 1220,0 мянган төгрөгийн 6 гүйцэтгэх баримт бичгийг хүлээн авч бүрэн төлүүлж дуусгасан.

7. Хорихоос өөр төрлийн ял эдлүүлэх ажиллагааны хэрэгжилтийг бүрэн хангаж, зөрчил дутагдалгүй ажиллах:

- 2023 оны эхний хагас жилийн байдлаар шүүхээс торгох ялын 29, эрх хасах ялын 12, нийтэд тустай ажил хийлгэх ялын 2, зорчих эрх хязгаарлах ялын 16, тэнсэн ялын 15, хорих ялаас хугацааны өмнө суллаж хяналт тогтоосон 9, хөрөнгө орлого хураах албадлагын арга хэмжээ авагдсан 17 нийт 100 гүйцэтгэх баримт бичиг хүлээн авснаас 45 гүйцэтгэх баримт бичгийг дуусгавар болгож хорихоос өөр төрлийн ял, албадлагын арга хэмжээ авагдсан 55 ялтан, этгээдэд холбогдох гүйцэтгэх баримт бичигт хяналт тавьж ажиллаж байна.

8. Хорихоос өөр төрлийн ялаар шийтгүүлсэн этгээдүүд дахин гэмт хэрэг үйлдэхээс урьдчилан сэргийлэх ажлыг зохион байгуулах:

- 2023 оны эхний хагас жилийн байдлаар зан үйл засах сургалтад хамрагдах үүрэг хүлээлгэсэн 3 этгээд байснаас 2 этгээдийг 2023 оны 06 дугаар сарын 09-ний өдөр хүлээн авч 1 этгээдэд нийт 12 цагийн хичээл сургалтыг зохион байгуулж шүүхээс хүлээлгэсэн үүргийн биелэлтийг хангуулан ажилласан.

Тус хэлтэс нь нийгмийн ажилтан, сэтгэл зүйчийн орон тоогүй бөгөөдШүүхийн шийдвэр гүйцэтгэх ерөнхий газрын даргын 2020 оны 06 дугаар сарын 03-ны өдрийн А/103 дугаар тушаалаар “Зан үйлд нөлөөлөх сургалт зохион байгуулах журам”, сургалтын хөтөлбөрийн дагуу зан үйлээ засах сургалтад хамрагдах үүрэг хүлээлгэх албадлагын арга хэмжээ авагдсан этгээдэд гэмт хэргийн шинжээс хамаарч зан үйлд нөлөөлөх сургалтыг тус хэлтсийн багшлах эрх бүхий техник хяналтын ажилтнаар мөн ”АМОСС”ТББ-тай хамтран ажиллах гэрээ байгуулан сургагч багшаар болон Сайхан сум дахь Цагдаагийн хэлтсийн сургалт хариуцсан албан хаагчаар сургалт нөлөөллийн ажлыг үр дүнтэй чанартай явуулж байна.

9. Зорчих эрхийг хязгаарлах ял шийтгүүлсэн ялтны шүүхээс тогтоосон хориглолт, хязгаарлалтыг биелүүлж байгаа эсэхэд техникийн болон биечлэн хяналт тавих:

- 2023 оны эхний хагас жилийн байдлаар шүүхээс зорчих эрхийг хязгаарлах ял шийтгүүлсэн 19 ялтныг хүлээн авч бүртгэл хяналтад оруулан цахим бугуйвч, дагалдах хэрэгслийн аюулгүй ажиллагааны зааварчилгааг дэлгэрэнгүй өгч, ял эдлүүлэх нөхцөл журмыг танилцуулан ялтнуудад техникийн хяналтыг тасралтгүй, сард хоёр удаа биечилсэн хяналтыг тавьж ялын үр нөлөө, ач холбогдол болон ял эдлүүлэх ажиллагааны нөхцөл журам зөрчсөн тохиолдолд авах арга хэмжээний талаар ялтан болон түүний ар гэрт тайлбарлан танилцуулж, хяналтаас зайлсхийсэн болон дахин гэмт хэрэг зөрчил үйлдэх, цахим бугуйвч, дагалдах хэрэгслийг эвдэж гэмтээхээс урьдчилан сэргийлж, гэмтээсэн хэрэгслийн үнийг нөхөн төлүүлж ажиллаж байна.

- Зорчих эрхийг хязгаарлах ял шийтгүүлж хяналтад авагдсан нийт 19 ялтнаас 7 ялтны ялын хугацаа бүрэн дуусаж, 3 ялтныг хорих ялаар сольж, 3 ялтныг харьяллын дагуу шилжүүлж одоо хяналтад байгаа 6 ялтан ял эдлүүлэх ажиллагааны нөхцөл журам зөрчсөн, хязгаарлалт, хориглолтын бүсээс гарсан, цахим бугуйвчийг унтраах, хэвийн ажиллагааг сарниулах болон ял эдлэхээс санаатай зайлсхийсэн зөрчил гаргаагүй, эрэн сурвалжлагдаж буй ялтан байхгүй бөгөөд хууль, журамд заасны дагуу техникийн болон биечилсэн хяналтыг бүрэн тавьж ажилласан.

10. Албадлагынарга хэмжээ авагдсан этгээдүүдэд тавих хяналтыг бүрэн хэрэгжүүлэх, зөрчил дутагдалгүй ажиллах:

- Тус хэлтсийн хяналтад 2023 оны эхний хагас жилийн байдлаар хорих ял оногдуулахгүйгээр тэнссэн-8, хорих ялаас хугацааны өмнө суллагдаж хяналт тогтоогдсон-5 нийт 13 этгээдэд хууль журамд заасны дагуу хяналт тавьж, хяналтаас зайлсхийх, шүүхээс хүлээлгэсэн үүрэг, тогтоосон хориглолт, хязгаарлалтыг биелүүлэх талаар заавар зөвлөмж өгч, Шүүхийн шийдвэр гүйцэтгэх ерөнхий газрын дарга, Гэр бүл хүүхэд залуучуудын хөгжлийн газрын даргын хамтарсан 2020 оны 09 дүгээр сарын 08-ны өдрийн А/138/А191 дүгээр тушаалаар батлагдсан “Хүмүүжлийн чанартай албадлагын арга хэмжээг хэрэгжүүлэх журам”-ын хэрэгжилтийг хангах, хүмүүжлийн чанартай албадлагын арга хэмжээ авагдсан этгээдэд тавих хяналтыг сайжруулах чиглэлээр 2023 онд Сайхан сумын Засаг даргын тамгын газраас мэргэжилтэн томилуулан хамтран ажиллаж байна.

- 2023 оны эхний хагас жилийн байдлаар шүүхээс 17 хөрөнгө орлого хураах албадлагын арга хэмжээ авагдсан гүйцэтгэх баримт бичгийг хүлээн авснаас 9 гүйцэтгэх баримт бичгийг дуусгавар болгож 8 гүйцэтгэх баримт бичигт шийдвэр гүйцэтгэх ажиллагаа явуулж байна.

- Хорих ялаас хугацааны өмнө суллагдаж хяналтад байгаа 5 этгээдээс байнга оршин суух газраа очсоноос хойш ажлын 3 өдрийн дотор нутаг дэвсгэрийн шүүхийн шийдвэр гүйцэтгэх болон цагдаагийн байгууллагад мэдэгдэх, бүртгүүлэх үүргээ биелүүлээгүй зөрчил гаргасан этгээд байхгүй болно.

11. Хорих ял эдлүүлэх болон цагдан хорих тухай шүүхийн шийдвэрийг гүйцэтгэх ажиллагаанд хяналт тавьж, мэргэжил арга зүйгээр ханган зөрчил дутагдалгүй ажиллах:

- Цагдан хорих байрны өдөр тутмын үйл ажиллагаанд СЯБЦХШБТухай хууль, ХЗДХСайдын “хорих байрны дотоод журам”, ХЗДСайд болон ЭМСайдын хамтарсан “хоригдсон этгээдэд эмнэлгийн тусламж үзүүлэх, түүнийг эрүүл мэндийн байгууллагад эмчлэх, цагдан хорих байгууллагад эмнэлгийн мэргэжилтэн ирж үйлчлэх журам” бусад эрхзүйн актыг мөрдөж, төв байгууллага удирдах албан тушаалтныг өгсөн үүргийг хэрэгжүүлэн, биелэлтийг хангаж гэмт хэрэг, зөрчилгүй ажиллаж байна.

- Харуул хамгаалалтын үйл ажиллагаанд хөтлөгдвөл зохих баримт бичгийн бүрдэл, хөтлөлт, хадгалалт хамгаалалтад хяналт тавьж ажилласан. Хэлтсийн хэмжээнд харуул хамгаалалт 32, эмнэлгийн үйл ажиллагаанд 3, тоо бүртгэлд хоригдогчийн 18, хоригдлын 23, нийт 77 төрлийн илтгэл бүртгэл хөтлөн ажиллаж байна.

- Хэлтсийн контор болон хорих байр нь 2017 онд шинээр хорих байрны зориулалтаар баригдаж ашиглалтад орсон тул өрөөний дулаан 180 доошгүй, чийгшил зохих хэмжээнд, хоолны илчлэгийг улирал бүр Сэлэнгэ аймгийн Мэргэжлийн хяналтын байгууллагын лабораторид шинжүүлэн дүгнэлтийг ХЯЭА, Прокурорын байгууллагад танилцуулж ажилласан. Хоригдогчийг хуульд заасан хугацаагаар хорих байрны даргын баталсан хуваарийн дагуу 7 хоногт 2 удаа 30 хүртэлх минут салхилгаанд гаргаж мөн халуун усанд 7 хоногт 1 удаа оруулж, нормын хувцас, цагаан хэрэглэлийг 14 хоногт 1 удаа угаалгад өгч ажилласан.

- Хэлтсийн хорих байр нь 7 хорих өрөөтэй 1 хоригдогчид 2,5мкв талбай оногддог нийт 26 хоригдогч хүлээн авах боломжтой бөгөөд одоогоор 2 хоригдол, 8 хоригдогч хоригдож байна.

12. Гадаад улсын харьяат болон харьяалалгүй хүн хоригдсон тохиолдолд Гадаад харилцааны яамны Консулын хэлтэст тухай бүр мэдэгдэж, холбогдох арга хэмжээг авах:

- 2023 оны эхний хагас жилийн байдлаар тус цагдан хорих байранд гадаад улсын харьяат иргэн хоригдоогүй болно.

13. Нийгэмшүүлэх ажлын чиглэлээр хамтран ажилладаг төрийн болон төрийн бус байгууллагуудын үйл ажиллагааг өргөжүүлж, хоригдлыг нийгэмшүүлэх ажилд ахиц гаргах:

- 2023 оны эхний хагас жилийн байдлаар Шинээр ирсэн, сэтгэл зүйн тогтворгүй байдалд орсон болон суллагдах хоригдол, хоригдогсдод онцгой анхаарч тэдэнд зориулсан сэтгэл зүйн нөлөөллийн сургалт, Хорих ял эдлүүлэх алба нийгэм сэтгэл зүйн хэлтсээс гаргасан сэтгэл заслын хөтөлбөрийг хэрэгжүүлэн ажиллаж байна.

- Аж ахуй үйлчилгээний хоригдлуудад давтан гэмт хэрэг үйлдэх, оргон зайлахаас урьдчилан сэргийлж сургалт, нийгэмшүүлэх ажлын төлөвлөгөөний дагуу нийгмийн ажилтны үүргийг түр орлон гүйцэтгэгч ээлжийн дарга, хошууч Д.Баасандорж “Хорих байрны дотоод журам”, “Гэр бүлийн сэтгэл зүй буюу эрчүүдийн онцлог”, “Стресс, түүнийг даван туулах арга зам”, “Хандлага, хувь хүний хөгжил, харилцаа”, “Хорт зуршил “Архи” “Тамхи” сэдвүүдээр 4 удаагийн сургалтыг зохион байгуулсан. Мөн Сайхан сумын Соёлын ордны номын сантай хамтран ажиллах гэрээ байгуулж хоригдол, хоригдогч нарт ном солилцож уншуулж хэвшсэн.

14. Хоногийн жижүүрийн бүрэлдэхүүний үйл ажиллагаанд өдөр тутам хяналт тавьж, үүрэг чиглэлээр хангах, хоригдол, хоригдогсдын зүгээс үйлдэгдэж болзошгүй оргох болон бусад гэмт хэрэг, учралаас урьдчилан сэргийлэх ажлыг зохион байгуулна:

- Хоногийн жижүүрийн үүрэг гүйцэтгэл, хоригдол хоригдогчид тавих хяналтыг ХЗДХСайдын 2017 оны 07 дугаар сарын 25-ны өдрийн А/197 дугаар тушаалын 7 дугаар бүлэг заалтыг хэрэгжүүлэн ажилласан. Хэлтсийн дарга, төлөөлөгч нар нь 7.2.4, 7.2.5, 7.4.3 дахь заалтуудыг баримталж ХЯЭАлбанаас өгсөн үүргийн дагуу ээлж хүлээлцэх бүрд телекамерын бичлэгийг үзэж зөрчил дутагдлыг тухай бүрд арилгуулах, үүрэг гүйцэтгэлтэй холбоотой алдаа дутагдал гарахаас урьдчилан сэргийлэх чиглэлээр бичгээр 7 хоног тутам, ээлж хүлээлцэх болон тухай бүрд нэмэлт анхааруулах үүргийг өгч ажиллаж хэвшсэн. Мөн хоригдол, хоригдогчоос гаргасан яриа өгүүлэл, анхаарал татсан үйл хөдлөлийг “харилцан мэдээлэл солилцох дэвтэр”-т болон харуул хамгаалалтын ажилтны зөвлөгөөнөөр харилцан мэдээлэл солилцож авч хэрэгжүүлэх ажил арга хэмжээг урьдчилан төлөвлөж зөрчил, дутагдалгүй ажилласан.

15. Хоригдол, хоригдогчийн өвчлөл хүндрэхээс урьдчилан сэргийлэх, эмнэлгийн тусламж үйлчилгээг жигд хүртээмжтэй үзүүлэх арга хэмжээг зохион байгуулах:

- Эрүүл мэндийн сайд, Хууль зүй дотоод хэргийн сайдын хамтарсан тушаалын дагуу Сайхан сум дахь эрүүл мэндийн төвтэй хамтран ажиллах гэрээ байгуулан ажиллаж байна. Мөн “Өгөөж найрамдал”, “Гавшгай эмийн сан” ХХК эм хангах нийлүүлэх байгууллагаас эм тариа худалдан авах гэрээ байгуулсан.

- 2023 оны эхний хагас жилд цагдан хорих байранд 19 хоригдогч шинээр хоригдсоныг эрүүл мэндийн үзлэг хийж жин, өндөр, даралт, пульс, ил шарх, сорив, гэмтэл, архаг хууч өвчин байгаа эсэх талаар биеийн байдлыг үнэлэн эрүүл мэндийн хяналтын карт нээж бүртгэл хөтлөн ажилласан

- Цагдан хорих байрны эмч эрүүл мэндийн урьдчилан сэргийлэх үзлэгт давхардсан тоогоор 42 хоригдогч, 21 хоригдлыг хамруулж эрүүл мэндийн анхан шатны тусламж үйлчилгээг үзүүлэн шаардлагатай тохиолдолд сумын Эрүүл мэндийн төвд хүсэлт гарган хамтран ажиллаж эмнэлгийн тусламж үйлчилгээг авч байна. Тайлангийн хугацаанд хоригдол, хоригдогчийг сумын Эрүүл мэндийн төвийн 103 тусламжийн дуудлагаар 1 удаа үзлэгт хамруулсан байна.

- Мөн 1 хоригдогч цагдан хоригдох үедээ 2 хөлийн тавхай, 2 хөлийн хуруу, гарын хуруу хөлдсөн байдалтай ирсэн бөгөөд Сэлэнгэ аймгийн Сайхан сумын Эрүүл мэндийн төвийн эмч Б.Бат-Эрдэнэ эмчийн үзлэгээр хөлдөлтийн 2 дугаар зэрэгтэй оношлогдож ирсэн бөгөөд 2023 оны 01 дүгээр сарын 18-ний өдөр Дархан –Уул аймгийн нэгдсэн эмнэлгийн Гэмтлийн тасгийн их эмч Б.Батбаатар үзлэг хийж, 2 хөлийн ул харлаж үхэжсэн арьсыг мэдээ алдуулалтай мэс засалд яаралтай орж хуулж авах шаардлагатай гэсэн дүгнэлт гаргасан. Цаашид удаан хугацаанд мэс засал эмчилгээ хийлгэхгүй удвал хөлөн үхжил үүсэж, тайруулах хүндрэл гарах эрсдэлтэй тул харьяа шатлалын эмнэлэгт хэвтүүлэн эмчилгээ хийлгэх шаардлагатай гэсэн тул Цагдан хорих 461-р ангийн эмнэлэг рүү шилжүүлэн ажилласан.

16. “Хоригдогчдын бүртгэл, хяналтын нэгдсэн систем”-д хоригдлын мэдээллийг бүрэн оруулах, хоригдлын хөдөлгөөний мэдээ, судалгааг үнэн зөв гаргаж, Хорих ял эдлүүлэх албанд хүргүүлнэ:

- Хэлтсийн хоригдогсдын бүртгэл хяналтын нэгдсэн системд 2023 оны эхний хагас жилийн байдлаар данс 11, хоригдогч 9, хоригдол 2, шинээр ирсэн 18 хоригдогч, шилжиж явсан 10 хоригдогч, суллагдсан 2 хоригдол, суллагдсан 3 хоригдогчийн мэдээллийг “Хоригдогчдын нэгдсэн цахим тоо бүртгэл хөтлөх, мэдээллийн сан бүрдүүлэх, ашиглах журам”-ын дагуу хоригдогсдын бүртгэл хяналтын нэгдсэн системд талбар орхигдуулахгүй бүрэн бүртгэн, шилжилт хөдөлгөөнийг тухай бүр нь хийж нэгдсэн тоо бүртгэлийн хэлтэст хөдөлгөөний мэдээг тухай бүр нь өгч ажилласан.

Гурав. Хуулиар олгосон нийтлэг чиг үүргийг хэрэгжүүлэх зорилт:

17. Шүүхийн шийдвэр гүйцэтгэх ерөнхий газрын даргатай байгуулсан 2023 оны гүйцэтгэлийн төлөвлөгөөг заалт нэг бүрээр биелүүлж, биелэлтийг хүргүүлэх:

- Хэлтсийн 2023 оны гүйцэтгэлийн төлөвлөгөөг Шүүхийн шийдвэр гүйцэтгэх ерөнхий газрын даргатай 2023 оны 01 дүгээр сарын 10-ны өдрөөр батлуулж биелэлтийг заалт нэг бүрээр хэрэгжүүлэн ажиллаж байгаа бөгөөд биелэлтэд дүн шинжилгээ хийж эхний хагас жилээр байдлаар хүргүүлэн ажилласан.

18. Алба хаагчдын 2023 оны гүйцэтгэлийн төлөвлөгөөг баталж, биелэлтийг хангуулан үнэлж дүгнэх:

- Тус хэлтэс нь батлагдсан 19 орон тоотой бөгөөд нийт 18 алба хаагчийн гүйцэтгэлийн төлөвлөгөөг 2023 оны 01 дүгээр сарын 16-ны өдөр баталгаажуулсан байна.

- Мөн алба хаагчийн ажлын төлөвлөгөөг сар бүрээр баталж тайланг сараар нэгтгэн авч ажиллаж байна.

19. Хэлтсийн даргын зөвлөлийн хуралдааныг зохион байгуулж, гаргасан шийдвэрийн бодит биелэлтийг хангуулах:

- Хэлтсийн даргын зөвлөлийн хуралдаан 2023 оны эхний хагас жилд 9 удаа хуралдаж нийт 11 асуудлыг хэлэлцэж, шагнал, цолны талаар 5, шилжих болон өөрийн хүсэлтээр ажлаас гарах талаар 2, Хэлтсийн 2023 оны зорилт дэвшүүлэх талаар 1, алба хаагчид сахилгын шийтгэл ногдуулах талаар 1 удаа нийт 9 асуудал хэлэлцэж шийдвэрлэсэн.

20. Шүүхийн шийдвэр гүйцэтгэх ерөнхий газрын хүний нөөцийн холбогдолтой мэдээллийг нэгдсэн программ хангамжийн санд бүрэн оруулах, алба хаагчдын бүрэлдэхүүн хөдөлгөөний тайланг тогтоосон хугацаанд нь гаргаж, ШШГЕГ-т хүргүүлнэ:

- 2023 оны эхний хагас жилийн байдлаар алба хаагчдын бүрэлдэхүүн хөдөлгөөний мэдээг тогтсон хугацаанд үнэн зөв гарган Шүүхийн шийдвэр гүйцэтгэх ерөнхий газрын Захиргааны удирдлагын Хүний нөөцийн хэлтэст цаасаар болон цахимаар хүргүүлж хэвшсэн бөгөөд хүний нөөцийн нэгдсэн программд нийт 19 алба хаагчийн мэдээллийн тухай бүрт баяжилт хийж байна мөн цалингийн мэдээллийг шинэчлэн цахим баяжилтыг хийсэн байна.

- Мөн Төрийн албаны удирдлагын нэгдсэн системд алба хаагчдын цалингийн мэдээллийг тухай бүрт давхцалгүй үнэн зөв оруулан ажиллаж байна.

21. МУ-ын Засгийн газар, Хууль зүй, дотоод хэргийн сайд болон дээд газраас алба хаагчдын ёс зүй, сахилга хариуцлагыг дээшлүүлэх чиглэлээр өгсөн үүрэг, албан даалгаврын хэрэгжилтийг хангах:

- Монгол Улсын Засгийн газрын “Төрийн албаны сахилга хариуцлага, дэг журмыг чангатгах” тухай 258 дугаар тогтоол, Монгол Улсын Засгийн газрын “Сахилга хариуцлага, дэг журмыг чангатгах тухай’’ 01 дүгээр албан даалгаврыг хэрэгжүүлэх ажлын төлөвлөгөөг 2023 онд шинээр баталж, хэлтсийн “Сахилга, ёс зүйн салбар хороо”-ны ажлыг эрчимжүүлэн хяналт тавьж, ажлын тайлан төлөвлөгөөтэй танилцаж нийт бие бүрэлдэхүүний дунд ёс зүйн хэм хэмжээг чанд сахих, хууль дээдлэх, мэргэшлийн мэдлэг, ур чадвартай ажиллахыг даалган, иргэдээс ирүүлсэн өргөдөл, гомдлыг шуурхай нягтлан шалгаж шийдвэрлэх, дутагдал гаргасан албан тушаалтанд тухай бүр хариуцлага тооцож ажиллах талаар алба хаагчдад үүрэг чиглэл өгч, үүргийн биелэлтэд хяналт тавьж ажиллалаа.

22. Алба хаагчдын ажиллах нөхцөл, нийгмийн баталгааг сайжруулах арга хэмжээг үе шаттайгаар хэрэгжүүлэх:

- Алба хаагчдын хэрэгцээнд ашиглагдаж буй техник, тоног төхөөрөмжийг тодорхой төвшинд шинэчлэх ажлын хүрээнд Сэлэнгэ аймгийн Орхон сумын “Гэмт хэрэг”-ээс урьдчилан сэргийлэх салбар зөвлөлөөр SKYWORTCH загварын 43 инчийн дэлгэцийг шийдвэрлүүлж хэлтсийн байрлалд байршуулж зорчих эрхийг хязгаарлах ялаар шийтгүүлсэн ялтнуудад 24 цагийн тасралтгүй хяналтыг цахимаар тавих нөхцөл, боломжоор хангасан.

- Тайлангийн хугацаанд тус хэлтэст ажиллаж байгаад өндөр настны тэтгэвэрт гарсан 1 ахмад ажилтанд сар шинийн баярыг тохиолдуулан нийт 100.000 төгрөг, мөн 3 алба хаагчид 200.000 төгрөгийн мөнгөн тусламж үзүүлсэн.

Монгол цэргийн өдрийг тохиолдуулан залуу гэр бүлийг дэмжих зорилгоор тус хэлтсийн Хорихоос өөр төрлийн ял эдлүүлэх ажиллагаа хариуцсан шийдвэр гүйцэтгэгч, дэслэгч А.Энх-Учралын ар гэртэй танилцаж 500.000 төгрөгийн мөнгөн тусламж мөн хүү Э.Мандахад гарын бэлэг гардуулж ажилласан.

- Алба хаагчдын эрүүл амьдралын дадал хэвшүүлэх, хорт буруу зуршлыг арилгах, алба хаагчдыг чөлөөт цагаа зөв боловсон өнгөрүүлэх, бие бялдрын бэлтгэлжилт, нормативыг хангуулах зорилгоор Соёл, биеийн тамир спортын ордны спорт заалтай гэрээ хийж долоо хоног бүрийн Баасан гарагт хуваарийн дагуу хичээллэж гар бөмбөг, сагсан бөмбөг, теннис зэрэг спортоор хичээллэж байна

- Сар шинийн баярыг тохиолдуулан “Би монгол цэрэг” АХА тэмцээнийг зохион байгуулж тэмцээнд 1 дүгээр байр Хорихоос өөр төрлийн ял эдлүүлэх ажиллагаа хариуцсан ахлах шийдвэр гүйцэтгэгч, ахлах дэслэгч Б.Хишигбаяр, 2 дугаар байр шийдвэр гүйцэтгэгч, ахлах дэслэгч Д.Төмөрхуяг нар шалгарч өргөмжлөл мөнгөн шагналаар шагнаж урамшуулав.

- Монгол Улсын соёлын биет өвтэй танилцах, аяллаар дамжуулан байгууллага, хамт олны эв нэгдэл, харилцаа соёлыг сайжруулах, харилцан эергээр нөлөөлөх дадлыг төлөвшүүлэх зорилгоор 2023 оны 04 дүгээр сарын 06-ны өдөр алба хаагчдыг Төрийн ордны үйл ажиллагаатай танилцуулах, Төрийн 9 хөлт цагаан туганд хүндэтгэл үзүүлэх мөн Чингэс хааны музей үзүүлэх ажлыг зохион байгуулж ажилласан.

- Монгол Улсын Засгийн газрын 2020-2024 оны үйл ажиллагааны хөтөлбөрийн хүрээнд иргэн бүрийг урьдчилан сэргийлэх үзлэг, эрт илрүүлэлтийн шинжилгээ, оношилгоонд 2022 онд нийт 19 алба хаагчийг хамруулсан бөгөөд хэлтсийн алба хаагчдын дунд тохиолддог нийтлэг өвчний талаар судалгаа авахад алба хаагчдын ихэнх өвчлөл артерийн даралт ихсэх өвчлөл байгаа бөгөөд хэлтсийн эмч мэдээллийн сан үүсгэж тухай бүр нь анхан шатны тусламж үзүүлэн ажиллаж байна.

- Мөн 2023 оны 05 дугаар сарын 03-ний өдөр хэлтсийн нийт алба хаагчдыг “Хоол боловсруулах замын” өвчнөөс урьдчилан сэргийлэх зорилгоор Сэлэнгэ аймгийн Сайхан сумын нэгдсэн эмнэлгийн Лаборатори тасагтай хамтран дараах шинжилгээнд: Элэгний В,С вирус, Сахрын тест, Дох тэмбүүгийн тест Хеликобактерийн шинжилгээ тус тус хамруулж ажиллалаа.

23. Ахмад настнуудад чиглэсэн арга хэмжээг зохион байгуулах:

- Тайлангийн хугацаанд тус хэлтэст ажиллаж байгаад өндөр настны тэтгэвэрт гарсан 1 ахмад ажилтанд Монголын уламжлалт сар шинийн баярыг тохиолдуулан хэлтсийн даргын 2023 оны 03 дугаар сарын 01-ний өдрийн Б/05 дугаар тушаалаар нэг удаагийн тэтгэмж урамшуулал олгох зардлаас 100,000 төгрөгийг зарцуулан цаг хүндэтгэл үзүүлэн ажилласан.

24. Шүүхийн шийдвэр гүйцэтгэх байгууллагын 2023 оны зорилтын хэрэгжилтийг хангах:

- Шүүхийн шийдвэр гүйцэтгэх ерөнхий газрын даргын 2023 оны 01 дүгээр сарын 02-ны өдрийн А/01 дүгээр тушаалаар Шүүхийн шийдвэр гүйцэтгэх байгууллагын хэмжээнд 2023 оныг “Байгууллагын үйл ажиллагааг цахимжуулах, аюулгүй байдал, сахилга хариуцлагыг дээшлүүлэх, алба хаагчийн хөгжлийг дэмжих” жил болгон зарласантай холбогдуулан хэлтсийн даргын 2023 оны 01 дүгээр сарын 17-ны өдрийн А/08 дугаар тушаалаар хэлтсийн хэмжээнд 2023 оныг “Хэлтсийн үйл ажиллагааг цахимжуулах, алба хаагчдын сахилга хариуцлагыг дээшлүүлэх” жил болгон зарлаж хууль эрх зүйн хүрээнд төв байгууллагаас дэвшүүлсэн бодлого, зорилтод нийцүүлэн ажиллаж байна.

25. Байгууллагын эдийн засаг, санхүүгийн ил тод байдал, Шилэн дансны тухай хуулийн хэрэгжилтийг бүрэн хангаж ажиллах:

- Төсөв санхүүгийн цахим байдлыг хангаж Шилэн дансны тухай хууль, Шүүхийн шийдвэр гүйцэтгэх ерөнхий газрын даргын 2015 оны “Шилэн дансны хэрэгжилтийг хангуулах тухай” 01 дүгээр албан даалгаврын дагуу тус хэлтэс нь www.shilendans.mn цахим хаягт санхүүгийн мэдээллийг сар бүрийн 8-ны дотор тогтмол оруулан ажиллаж байгаа бөгөөд 2023 оны эхний хагас жилийн байдлаар шилэн дансны цахим хуудсанд улирал, сар бүрийн нийт 68 байршуулахаас Төсвийн гүйцэтгэлийн 28 мэдээлэл, Хөрөнгө оруулалт тендер худалдан авалтын 13 мэдээлэл, бусад 27 мэдээллийг хугацаанд нь бүрэн оруулсан.

26. Худалдан авах ажиллагааг зохих журмын дагуу зөв зохион байгуулах:

- Төрийн болон орон нутгийн хөрөнгөөр бараа жил үйлчилгээ, худалдан авах тухай хуулийн дагуу худалдан авах ажиллагааг харьцуулалтын аргаар зохион байгуулж Шинэдэлгэр ХХК-тай хүнсний материал, иргэн Т.Ариунаатай мах, махан бүтээгдэхүүн, Хөтөл Соёл ХХК-тай бичиг хэргийн материал, Хос-Анар ХХК-тай бичиг хэргийн материал, Гантай төмөр ХХК болон Баянбуурал Хишиг ХХК-тай барилгын материалын гэрээг тус тус шууд гэрээ байгуулан ажиллаж байна.

27. Шүүхийн шийдвэр гүйцэтгэх ерөнхий газраас баталсан 2023 оны урсгал төсвийн төлөвлөгөөг чанд мөрдөн төсвийг зохих журмын дагуу зөв, үр ашигтай зарцуулан холбогдох тайлан мэдээг тогтоосон хугацаанд нь гарган хүргүүлэх:

- Тайлант онд урсгал төсвөөс 318,727.8 сая төгрөгийн батлагдсан төсөвтэйгөөс гүйцэтгэлээр эхний хагас жилийн байдлаар 489,344.3 сая төгрөгийн санхүүжилт авч 363,604.8 сая төгрөгийг хөтөлбөр зориулалт, эдийн засгийн ангиллын дагуу зарцуулсан. Төсвийн гүйцэтгэлийн тайланг гарган сар бүр ийн 02-ны дотор хариуцсан мэргэжилтэнд хүргүүлэн ажиллаж байна.

28. Сахилга ёс зүйн зөвлөлийн үйл ажиллагаа, сахилга хариуцлага, зөрчил дутагдлыг бүртгэлжүүлэн, дүн шинжилгээ хийх, урьдчилан сэргийлэх арга хэмжээг зохион байгуулах.

- Тайлангийн хугацаанд Хууль зүй, дотоод хэргийн сайдын 2018 оны 09 дүгээр сарын 27-ны өдрийн А/183 тушаалаар “ШШГБ-ын сахилга, ёс зүйн дүрэм”, Хууль зүй, дотоод хэргийн сайдын 2022 оны А/105 дугаар тушаалаар баталсан Салбарын албан хаагчдын ёс зүйн үлгэрчилсэн загварын дагуу “Сахилга, ёс зүйн салбар хороо”-ны ажлыг эрчимжүүлэх үүрэг, Монгол Улсын Засгийн газрын “Төрийн албаны сахилга хариуцлага, дэг журмыг чангатгах” тухай 258 дугаар тогтоол, ШШГЕГ-ын даргын “Ажил эрчимжүүлэх тухай” албан даалгавар, сахилга хариуцлагыг өндөржүүлэн ажиллах гүйцэтгэлийн төлөвлөгөөний хэрэгжилтийг ханган ажиллаж байна.

- “Шүүхийн шийдвэр гүйцэтгэх байгууллагын алба хаагчийн сахилга, ёс зүйн дүрэм”, Шүүхийн шийдвэр гүйцэтгэх ерөнхий газрын дэвшүүлсэн зорилт, баримталж буй бодлого, шийдвэр, гүйцэтгэлийн төлөвлөгөөг алба хаагчдад танилцуулан, судлуулж, тэдгээрийг өдөр тутмын үйл ажиллагаандаа нэг мөр хэрэгжүүлэн, нийтийн хэв журам зөрчих, үйлчлүүлэгч, хоригдол, хоригдогсодтой хувийн харьцаа тогтоох, тэдэнд хууль бусаар давуу байдал олгох зэрэг ноцтой зөрчил гаргуулахгүй хяналт тавьж алба хаагчдын хурал, мэдээллийн цаг, мөн ээлжийн бүрэлдэхүүнийг ээлж солилцох бүрд үүрэг, чиглэл өгч шаардлагаа эрс өндөржүүлэн ажиллаж байна.

- Тус хэлтэс нь 2023 оны 04 дүгээр сарын 13-ны өдөр “Тайлангийн хурал, Сахилга, ёс зүйн зөвлөгөөн”-ийг зохион байгуулсан бөгөөд зөвлөгөөнөөр хэлтсийн 2023 оны 1 дүгээр улиралд хийж хэрэгжүүлсэн ажлын тайлан мөн 2022 оны болон 2023 оны 1 дүгээр улирлын сахилга, ёс зүйн тайлан мэдээллийг танилцуулж, алба хаагчдын гаргасан сахилга ёс зүйн зөрчил дутагдал, түүнээс урьдчилан сэргийлэх чиглэлээр цаашид авч хэрэгжүүлэх ажил, арга хэмжээний талаар ярилцаж, алба хаагчдыг сонсож, харилцан ярилцаж, санал солилцсон.

- Зөвлөгөөний үеэр нийт алба хаагчдаас сахилга, ёс зүйн зөрчилгүй, авлига, ашиг сонирхлоос ангид байх хувийн баталгаа авч цаашид сахилга, ёс зүй, цэрэгжилт жагсаалч байдал, мэргэжлийн ур чадварыг нэмэгдүүлэн ажиллах талаар үүрэг чиглэл өгч, зарим алба хаагчдыг шагнаж урамшуулав.

- Мөн ахлах шийдвэр гүйцэтгэгч, х/ч М.Энхболд алба хаагчдад ёс зүй, сахилга хариуцлагыг дээшлүүлж, авлига, ашиг сонирхлоос урьдчилан сэргийлэх чиглэлээр 2023 оны 04 дүгээр сарын 21-ний өдөр сургалт зохион байгуулсан.

29. Дотоодын хяналт, шалгалтыг зохион байгуулж, алба хаагчдыг урамшуулах, хариуцлага тооцох асуудлыг хууль, журмын хүрээнд шийдвэрлэх:

- Дотоод хяналт шалгалтын 2023 оны төлөвлөгөөг батлан ажиллаж байна.

- Тайлант хугацаанд Хууль зүй, дотоод хэргийн яам, Шүүхийн шийдвэр гүйцэтгэх ерөнхий газрын дарга, Улсын ерөнхий гүйцэтгэгч болон бусад удирдах албан тушаалтны үүрэг, албан даалгаврын биелэлтийг хангах үүднээс иргэний шийдвэр гүйцэтгэх ажиллагаатай гүйцэтгэх баримт бичигт, хорихоос өөр төрлийн ял эдлүүлэх ажиллагааны гүйцэтгэх баримт бичигт, мөн цагдан хорих байрны үйл ажиллагаа хууль журамд нийцэж байгаа эсэх харуул хамгаалалтын үүрэг гүйцэтгэл, хөтлөгдөх баримт бичгийн бүрдлүүд, хорих өрөөний дулаан, чийгшил, хоолны илчлэг, наралгаанд гарах хугацаа, усанд оруулж байгаа байдал, хэлтсийн дотоод ажил, албан хэрэг хөтлөлт, архивын үйл ажиллагаанд хяналт шалгалт хийсэн бөгөөд шалгалтаар ямар нэг зөрчил илрээгүй байна.

30. 2022-2023 оны албаны сургалтын төлөвлөгөөг бүрэн хэрэгжүүлэх:

- Шүүхийн шийдвэр гүйцэтгэх ерөнхий газрын даргын 2022 оны 10 дугаар сарын 18-ны өдрийн А/215 дугаар тушаалаар батлагдсан “Шүүхийн шийдвэр гүйцэтгэх байгууллагын алба хаагчдад 2022-2023 онд зохион байгуулах чадавхжуулах сургалтын хөтөлбөр”-ийн дагуу хэлтсийн даргын 2022 оны 10 дугаар сарын 25-ны өдрийн А/33 дугаар тушаалаар 2022-2023 онд “Алба хаагчдыг чадавхжуулах” сургалтын нийт 5 багц, 150 цагийн сургалтын хөтөлбөрийг баталж хөтөлбөрийн дагуу сургалтыг зохион байгуулж сургалт дуусаж байгаатай холбогдуулан 2023 оны 5 дугаар сарын 22-ны өдөр алба хаагчдаас хууль эрх зүйн мэдлэгийг 30 асуулт бүхий тестээр шалгалт авахад нийт 17 алба хаагч хамрагдсанаас В үнэлгээтэй-4, С үнэлгээтэй-11, D үнэлгээтэй-2 алба хаагч шалгагдаж чанар 75 хувьтай дүгнэгдсэн.

Дөрөв. Төрийн үйлчилгээний чанар, хүртээмжийг сайжруулах зорилт:

31. Төлбөр төлөгч түүний хөрөнгийн мэдээллийг цахим хэлбэрээр хүлээн авах эрх бүхий байгууллагатай мэдээлэл солилцох:

- Төлбөр төлөгчийн хөрөнгийн мэдээллийг цахим хэлбэрээр бүртгэл хяналтын систем болон, хурдан программаас тогтмол авч хэвшсэн бөгөөд төлбөр төлөгч иргэн, хуулийн этгээдийн хөрөнгийн мэдээллийн авч эрх бүхий байгууллагад тогтоол хүргүүлж түдгэлзүүлэн ажиллаж байна.

- Шийдвэр гүйцэтгэлээс төлбөр төлөгчийн хөрөнгө битүүмжлэх, хураах, үнэлгээ тогтоох, шийдвэр гүйцэтгэх ажиллагаанд хяналт тавих зорилгоор 2020 онд хөгжүүлэлт хийж гар утсанд зориулсан мобайл аппликейшныг үйл ажиллагаанд нэвтрүүлсэн. Шийдвэр гүйцэтгэх ажиллагааны явцыг гар утаснаасаа хянах боломжтой болж 2023 оны эхний хагас жилд 42 төлбөр төлөгч, төлбөр авагчдад бүртгэлийн системд нэвтрэх эрх олгон төрийн үйлчилгээг иргэдэд ил тод, түргэн шуурхай, нээлттэйгээр хүргэн Иргэний шийдвэр гүйцэтгэх ажиллагааны явцыг нэмэгдүүлэн, шүүхээс гарсан шийдвэрийг биелүүлэн ажиллаж байна

32. Хоригдол, хоригдогчдын эргэлт, уулзалтыг хууль журмын дагуу зохион байгуулах:

- 2023 оны эхний хагас жилийн байдлаар давхардсан тоогоор хоригдогчийн уулзалт 86 удаа, хоригдлын эргэлт уулзалтыг 5 удаа хууль, журмын дагуу зохион байгуулсан.

33. Иргэд байгууллагаас хандан гаргасан өргөдөл, гомдолд хяналт тавин өргөдлийн мөрөөр тодорхой арга хэмжээ зохион явуулж хуулийн хугацаанд хариуг тодорхой өгч, иргэдээс гаргасан өргөдөл, гомдлыг цахим хэлбэрээр хүлээн авах, өргөдлийн хариуг цахимаар өгөх нөхцөлийг бүрдүүлэх:

- 2023 оны эхний хагас жилийн байдлаар иргэнээс 2, алба хаагчаас 2, нийт 4 өргөдөл, хүсэлт хүлээн авсан бөгөөд алба хаагчаас гаргасан 1 өргөдөл шийдвэрлэх шатанд байна. Иргэдийн өргөдлийг хуулийн хугацаанд 100 хувь шийдвэрлэсэн.

- Өргөдөл гомдлын мэдээг 1 дүгээр улирал, эхний хагас жилийн байдлаар Шүүхийн шийдвэр гүйцэтгэх ерөнхий газарт 2 удаа хүргүүлсэн.

34. Шүүхийн шийдвэрээр өр төлбөртэй байгаа эсэх лавлагааг иргэн, аж ахуй нэгжид түргэн шуурхай гарган олгох:

- Шүүхийн шийдвэрээр өр төлбөргүй эсэх тодорхойлолтыг нэгдсэн дугаартай хэвлэмэл хуудсаар иргэнд 47 хуулийн этгээдэд 32 нийт 79 тодорхойлолтыг олгож ажилласан.

35. Монгол улсын засгийн газрын 2009 оны 05 дугаар сарын 14-ний өдрийн “Ил тод байдлыг илтгэх шалгуур үзүүлэлт батлах тухай” 143, 2019 оны 149 дүгээр тогтоолын хэрэгжилтийг тус тус хангаж ажиллах:

- Монгол Улсын Засгийн газрын 2009 оны 5 дугаар сарын 14-ний өдрийн 143 дугаар тогтоолоор баталсан төрийн байгууллагын ил тод байдлыг илтгэх шалгуур үзүүлэлтийн дагуу хэлтсийн мэдээллийн самбарт Шүүхийн шийдвэр гүйцэтгэх байгууллагын эрхэм зорилго, 2023 онд дэвшүүлсэн зорилт, Алба хаагчийн ёс зүйн дүрэм, иргэд хүлээн авч уулзах цагийн хуваарь, мөн шилэн дансны мэдээллийг тухай бүрд нь байршуулж ажиллаж байна. Мөн санал, хүсэлт, өргөдөл, гомдол, мэдээлэл хүлээн авах хайрцгийг нэг цонхны үйлчилгээнд байрлуулан ажиллаж байна. Хэлтсийн khutul.cd.gov.mn цахим сайтад мэдээ, мэдээллийг оруулан ажиллаж байна.

- Шүүхийн шийдвэр гүйцэтгэх байгууллагын үйл ажиллагаа, албаны онцлог, хуулиар хүлээсэн чиг үүргийн талаарх мэдээ, мэдээллийн урсгалыг сайжруулах, олон нийтэд өргөн хүрээнд хүртээмжтэй, түргэн шуурхай хүргэх зорилгоор “Сайхан сум дахь ШШГХ” гэсэн хаягтай фэйсбүүк, page хуудас нээж нийт 89 мэдээ, мэдээллийг цаг тухайд нь оруулсан байна.

- Мөн хүлээлгийн танхимд иргэдийн өргөдөл, гомдол, санал хүсэлтийг хүлээн авах хайрцаг байршуулан ажиллаж байгаа бөгөөд 2023 оны эхний хагас жилийн байдлаар санал хүсэлтийн хайрцагт ямар нэгэн санал, хүсэлт, гомдол ирээгүй байна.

Тус хэлтсийн гүйцэтгэлийн төлөвлөгөөний хэрэгжилт 2023 оны эхний хагас жилийн байдлаар 85 хувийн гүйцэтгэлтэй байгаа бөгөөд биелэлтийг бүрэн хангуулахад үйл ажиллагаагаа чиглүүлэн мэргэжил, арга зүйгээр ханган, хяналт тавин ажиллаж байгаа ба хэлтсийн үйл ажиллагаа хэвийн явагдаж байгааг илтгэн танилцуулъя.